Një 47-vjeçar italian ka mbetur i plagosur me thikë mbrëmjen e djeshme. Ai u dërgua në spital nga dy shqiptarë dhe ndodhet në gjendje të rëndë shëndetësore. Sipas medieve italiane, edhe njëri nga shqiptarët ishte i plagosur, por jo në rrezik për jetën.
I plagosuri është shtetasi me iniciale E.C, i cili është i njohur për autoritetet e drejtësisë italiane, për një vrasje të ndodhur në vitin 2016 dhe për të cilën 47-vjeçari ishte arrestuar.
Hetimet
Hetuesit morën në pyetje dy miqtë shqiptarë të 47-vjeçarit. Karabinierët e Njësisë Operacionale Velletri gjithashtu aktivizuan postblloqe në zonë, me shpresën për të kapur sulmuesin e E.C. ose për të identifikuar bashkëpunëtorët e tij.
Për sa i përket motivit, hetuesit dyshojnë më shumë se ngjarja mund të ketë ndodhur për larje hesapesh në fushën e trafikut të drogës, sesa për ndonjë konflikt të çastit.
E shkuara e personit të plagosur
I plagosuri që aktualisht ndodhet mes jetës dhe vdekjes në spitalin Castelli, është emër i njohur për policinë. Në gusht 2016, ai u akuzua si autor i përplasjes për vdekje të një 58-vjeçari, Giovanni Palazzolo, punonjës i një kompanie bujqësore dhe baba i dy fëmijëve. Ai u vra në Ardea, teksa ishte në bordin e makinës së tij Fiat Panda, u godit nga makina që drejtohej nga tridhjetë e nëntë vjeçari në atë kohë./vizionplus.tv
