Ish-deputetja e LSI, Klajda Gjosha deklaroi se Samiti i Vendeve të Ballkanit Perendimor tregoi qarte problematikne me te cilen po perballet vendi.
Në një postim në “Facebook”, Gjosha u shpreh se qeveria ka humbur kredibilitetin e saj si një partner serioz I BE pasi nuk paraqiti asnje projekt serioz dhe se nuk arriti te perthith asnje fond.
Sipas Gjoshës, gajte samitit u vur re se dhe bashkepunimi me vendet fqinje nuk ishte ne nivelet e duhura.
“Samiti i Ballkanit Perëndimor në Poloni, tregoi qartë 3 problematika kyce të qeverisë tonë:
1.Faktin që institucionet tona kanë ndalur së funksionuari, duke hequr dorë nga përpilimi i projekteve me standart dhe në bazë të prioriteteve të përbashkëta të gjithë rajonit. Kjo është e lidhur ngushtë edhe me paaftësinë e lidershipit për të dhënë vizionin e duhur dhe për të vënë në punë kapacitet njerëzore të administratës publike.
2.Është mëse e qartë që bashkëpunimi me fqinjët nuk është në nivelet e duhura, me mungesë komunikimi dhe dakordësie.
3.Qeveria shqiptare ka humbur kredibilitetin si një partner serioz dhe i rëndësishëm për BE! Kjo është një pasojë që shqiptarët po e vuajnë shumë, si në pamundësinë për celjen e negociatave, ashtu edhe në mosthithjen e fondeve për sektorët kyc në ekonominë e vendit, sic janë edhe fondet për Ballkanin Perëndimor!
Vendi nuk mund të vazhdoj të mbahet peng nga etja e Kryeministrit për pushtet! Sa më shpejt të reagojmë aq më pak kosto do të ketë për të ardhmen e Shqipërisë dhe shqiptarëve!
