Damian Gjiknuri, në cilësinë e bashkëkryetarit për reformen zgjedhore priti ambasadorin e ri të Gjermanisë në vendin tonë Peter Zingraf.
Gjiknuri shkruan në facbeook se vec diskutimeve me kryedipomatin gjerman në Tiranë për ecurinë e këtij procesi, ai shprehu gatishmërinë e mazhorancës për bashkëpunim në kuadër të reformës zgjedhore jo vetëm me opozitën parlamentare por edhe me atë joparlamentare.
Gjiknuri shkruan gjithashtu se është dakortuar me bashkëkryetaren e komisionit për reformen zgjedhore Rudina Hajdari që brenda këtij muaji të organizohet një tryezë diskutimi gjithëpërfshirëse në lidhje me kete reforme.
Me ambasadorin Peter Zingraf i cili ritheksoi interesimin maksimal të Gjermanisë për reformën zgjedhore. Diskutuam mbi ecurinë e deritanishme të këtij procesi, gatishmërinë e mazhorancës për të krijuar hapësirat e bashkëpunimit për opozitën parlamentare ashtu edhe atë joparlamentare. Në kuadër të adresimit të kërkesave të opozitës parlamentare, me bashkëkryetaren e komisionit zj.Rudina Hajdari jemi dakordësuar të organizojmë brenda Shtatorit një tryezë gjithëpërfshirëse diskutimi mbi çështjet e sistemit zgjedhor
