Përplasjet mes politikës dhe drejtësisë kanë qenë tema e diskutimit këtë të martë në Quo Vadis të moderatores Pranvera Borakaj në Vizion Plus.
Ish-kreu i Gjykatës së Apelit, Alaudin Malaj, tha se sot pala që ka më shumë akuza për korrupsion është mazhoranca. Për gazetarin Ardit Hoxhaj, testi që ndërkombëtarët i kanë vendosur Shqipërisë për integrimin në BE lidhet me luftën kundër korrupsionit.
Ndërsa avokati Edmond Petraj deklaroi se mazhoranca është goditur më fort nga të gjithë nga drejtësia.
Pjesë nga biseda:
Malaj: Nëse ka hajdutëri kaq të madhe, vetëm te mazhoranca ka.
Petraj: Mazhoranca është goditur më shumë nga të gjithë.
Hoxhaj: Zyrtari i lartë i BE-së, në mes të Tiranës, dha mesazhin se Balluku është test për luftën kundër korrupsionit. Këtë gjë e lidh edhe me procesin e integrimit evropian.
Hitaj: Testi më shumë lidhet me pjesën që ka të bëjë me ndryshimet ligjore, sesa ka të bëjë me një rast ekskluziv.
