Gjatë kohës që kryeministri Rama fliste për projektin e stadiumit të Ri në dëgjesën e Këshillit Kombëtar të Territorit, jashtë ambienteve ku zhvillohej takimi, disa gazetare dhe përfaqësues te shoqërisë civile nuk u lejuan te hyjnë. Ky është momenti kur gazetaret, Andi Bushati, Ylli Rakipi, Fatos Lubonja si dhe përfaqësuesi i Forumit për Trashëgiminë Kulturore, Gjergj Bojaxhi janë penguar nga forcat e gardës. Gjergj Bojaxhi e quajti të turpshme moslejimin e shoqërisë civile në dëgjesën publike. Ai deklaroi se ndërtimi i stadiumit është i nevojshëm, por jo në një zonë të mbipopulluar.
