Kaspersky Lab raporton se numri i sulmeve në tremujorin e parë të këtij viti ka shënuar rritje prej 3.5 herë.
Numri i viruseve të detektuar në telefonat mobil ka arritur shifrën 218.625 gjatë kësaj periudhe në krahasim me 61,832 sa ishte në tremujorin paraprak.
Vendin e parë e zë familja e virusit Congur me mbi 86 për qind. Virusët, të cilët sulmojnë të gjitha pajisjet, sistemet dhe rrjetat po ashtu janë në rritje, ku janë shënuar 11 virus të ri cryptor dhe 55.679 sulme të reja, të cilët janë paraqitur në çerekun e parë të këtij viti, raporton portali Sovrani.
Congur ransomware para se gjithash funksionon si bllokues, duke resetuar PIN kodin në pajisje, ashtu që marrin të drejtat administrative, derisa disa variante të malverave përdorin këtë të drejtë në atë masë që të instalojnë modulin e vet në sistem, prej nga është e pamundur që të hiqet.
Trojan-Ransom.AndroidOS.Fusob.h edhe më tej është virusi më i shpeshtë në celulare dhe me këtë lloj virusi janë sulmuar pothuajse 45 për qind e përdoruesve gjatë kërkimit.
Gjatë prezantimit, trojani kërkon të drejtat administrative, mbledh informacionet për pajisjen, përfshirë edhe koordinatat GPS dhe historinë e thirrjeve, shkruan i njejti portal.
SHBA-ja është vendi më i goditur me sulme në çerekun e parë.
