Presidenti francez Emmanuel Macron njoftoi mbrëmjen e sotme 109 miliardë euro investime në Inteligjencën Artificiale. Investimet do të bëhen përgjatë viteve të ardhshme.
Macron e bëri të ditur lajmin në prag të samitit ndërkombëtar për Inteligjencën Artificiale që fillon nesër në Paris.
Në mesin e janarit, presidenti amerikan Donald Trump njoftoi 500 miliardë dollarë investime në Inteligjencën Artificiale si pjesë e projektit “Stargate”.
Më herët gjatë ditës së sotme, qeveria franceze njoftoi se vendi do të bashkojë forcat me tetë vende, shoqata dhe kompani për të nisur një iniciativë për Inteligjencën Artificiale të “interesit të përgjithshëm”, nën kujdesin e 11 pionierëve të kësaj teknologjie./vizionplus.tv
