Kjo është protesta e parë e madhe e opozitës pas përfundimit të zgjedhjeve te 30 qershorit, e normalisht simbolikat e saj nuk mund të mos kishin lidhje me procesin shumë të kontestuar të këtyre votimeve.
Ato që binin në sy ishin fillimisht gomerët me logon PS30, numri i votimit që partia socialiste pati në zgjedhjet vendore.
Madje gomeret ishin mbuluar edhe me banderola “Rama ik”.
Ndërkohë një kuti e madhe votimi 2 metra e lartë doli nga selia e PD dhe u vendos tek sheshi para kryeministrisë. Kutia e madheu mbajt nga të rinjtë e PD që në fytyrë mbanin maskat e Vangjush Dakos, Damian Gjiknurit, Saimir Tahirit, Ramës etj. Kutia u mbush me “fletë votimi” ku shkruhej Rama ik.
Po ashtu Shqiponja e flamurit kombëtar është vendosur në qëndër të protestës së opozitës. Në zemër të saj shkruhet shifra “85%”, aq sa është përqindja e shqiptarëve që refuzuan, sipas PD dhe opozitës, Ramën në votimet e 30 Qershorit.
Pasi kutia u mbush me “votat” Rama ik, fletët u hodhen para kryeministrisë për të treguar se qytetarët shqiptarë e refuzojnë Edi Ramën dhe duan largimin e tij.
