Ministri italian i punëve të Jashtme, Enzo Mavero milanesi zhvilloi një bisedë telefonike me kryeministrin Edi Rama dhe me kryetarin e partisë Demokratike Lulzim Basha.
Kryediplomati italian konfirmoi gjatë komunikimit me dy liderët shqiptarë, “rëndësinë e jashtëzakonshme të sigurimit të rregullave themelore të demokracisë dhe sundimit të ligjit”.
Përsa i përket zgjedhjeve më 30 qershor, ministri përsëriti se “pavarësisht divergjencës ndërmjet forcave politike në Shqipëri, është thelbësore të shmangen të gjitha format e dhunës si dhe të shprehet mendimi dhe qendrimi i forcave politike në një mënyrë të drejtë demokratike”.
Kryediplomati italian theksoi se siguria dhe korrektësia e procesit zgjedhor duhet të garantohen.