QUO VADIS

Gazetarja dhe moderatorja e njohur e Vizion Plus, Pranvera Borakaj, vjen me një projekt të ri të rëndësishëm televiziv. Pas një karrierë të gjatë në media, veçanërisht si imazh  i Vizion Plus në moderimin e emisionit të mëngjesit “7 pa pesë” dhe folëse në edicionet informative, Pranvera Borakaj vjen tashmë si autore dhe moderatore e “Quo Vadis” (Ku po shkojmë).

Raporti mes moderatores Pranvera Borakaj dhe të ftuarit/të ftuarve të mbrëmjes, ka në thelb vendosjen e një tjetër standarti, larg konfliktualitetit televiziv që sjell konfuzion dhe largon audiencen nga thelbi i diskutimit.Emri i emisionit “Quo Vadis” ( Ku po shkojmë), është pikërisht në koherence me kohën që po kalojmë, zhvillimet e gjithëanshme, socio-politike që kanë sjell kaq shumë pikpyetje në përditshmërinë tonë.

Një “talk show” i vendosur në një orar “prime time”, çdo të hënë ora 21:00 që në thelb nuk synon ti shtohet numrit të madhe të emisoneve të aktualitetit politik, më tepër sesa ka si objektiv të sjell një trend të ri të komunikimit publik në studiot televizive. Formati “face to face” synon të përcjell mesazhe të drejtëpërdrejta dhe lehtësisht të perceptueshme nga publiku.
Përvojën 13 vjeçare në moderimin e emisionit të mëngjesit, Pranvera Borakaj synon ta vendos të gjithën në funksion të një formati të ri ku rol thelbësor në diskutim do të ketë mendimi i eksperteve dhe profesionistëve të fushës. Ngjarjet e rëndësishme të politikës dhe aktualitetit, “Quo Vadis” synon ti integrojë me inserte, intervista jashtë studios, përshirë këtu zërin e vetë qytetareve, për ti dhënë këtij “talk show” një dimension më njerëzor.“Quo Vadis” me Pranvera Borakaj, një urë e re e komunikimit mes publikut dhe televizionit!