ITALI – Dy shqiptarë dhe një italian përfunduan në pranga për trafik droge.
Dy shqiptarët e dërgonin drogën me një autobus që vinte nga Shqipëria.
Lexo edhe :
Related Posts
“Në pranga ra një shtetas italian 31-vjeçar dhe dy shtetas shqiptarë të moshës 42 dhe 39 vjeç për posedim dhe trafikim të lëndëve narkotike”, njofton policia italiane.
Karabinierët pas një hetimi për trafikun e drogës, identifikuan një person që përdorte pronën e tij në Lainate si vend për grumbullimin e lëndëve narkotike.
Të dielën, më 19 maj, në orën 6.30 të mëngjesit, policët vunë re 31-vjeçarin duke dalë me një makinë nga garazhi i ndërtesës në Lainate, e cila pasi arriti në Varese, ndaloi në Piazzale Kennedy, në zonën e përdorur per parkimin e autobuseve te ardhur nga Shqiperia.
Kalimi i drogës nga autobusi në Varese
Oficerët panë dy burra, 39-vjeçarin dhe 42-vjeçarin shqiptar, të cilët nga një autobus i kaluan shtetasit italian dy zarfe të mëdhenj të bardhë.
Shtetasi italian i vendosi në ndarjen e rrotave rezervë në bagazh dhe pastaj u largua.
Policët e ndoqën burrin në Cerro Maggiore dhe e ndaluan për kontroll.
Brenda makinës, u zbulua një ndarje e fshehur ku oficerët gjetën 23 kg kokainë dhe rreth 3.5 kg heroinë.
Sipas hetimeve paraprake, droga ishte destinuar për në tregun milaznez./vizionplus.tv
