Greg Rama, djali i kryeministrit Edi Rama, ka fituar betejën me koronavirusin.
Lajmin e ka dhënë vetë ai përmes një postimi të shpërndarë në “Facebook”. Ai ka falenderuar në mënyrë të veçantë mjekët dhe infermierët e spitalit “Shefqet Ndroqi” për përkujdesjen ndaj tij.
Rama shkruan se ndodhet në gjendje të mirë shëndetësore, pas analizave që i morën në spital dhe trajtimit në shtëpi.
“Një falënderim mjekëve që u kujdesën për mua dhe mbi të gjitha respekt për mjekët dhe infermieret e Senatoriumit. Ndjej detyrimin t’ua shpreh publikisht në kushtet kur realisht po punojnë nën një stres të paparë dhe çfarë nuk po detyrohen të dëgjojnë! Për fat të mirë pas analizave që më morën në spital dhe trajtimit që mora në shtëpi ndjehem shumë më mirë fizikisht dhe mendërisht.”
Ndër të tjera, ai nënvizoi se iu desh që të përballej me një situatë të tillë që t’i shtohej akoma edhe më shumë respekti për bluzat e bardha.
“U desh kjo ndodhi që të më rritej akoma më tepër respekti dhe besimi tek ata të cilët ndodhen në çdo orë e minutë në vijën e parë të zjarrit, në këtë luftë! Uroj të shkuara dhe shërim sa më të shpejtë gjithë atyre që po përballen me këtë virus të pabesë!”
