Ministrja e Shëndetësisë, Ogerta Manastirliu ka dënduar dhunën e ushtruar ndaj mjekut të urgjencës në spitalin e Durrësit.
Në një postim në “Facebook”, Manastirliu u kërkon autoriteteve që të japing dënimin maksimal që jep ligji për autorët e sulmit.
Manastirliu, thekson gjithashtu se ajo është mëse e vendosur për zbatimin e urdhërit të ri për regjimet në spitale.
“Dënoj me forcë agresionin e dhunshëm ndaj mjekut në urgjencën e spitalit të Durrësit. Autorët e sulmit barbar të marrin dënimin maksimal që jep ligji. Të vendosur në zbatimin e Urdhërit për regjimin e ri në spitale. Asnjë familjar në shërbimin e urgjencës dhe respektim i orareve të vizitave në çdo spital! #FundDhunësNdajBluzaveTëBardha”
Ditën e shtunë një mjek i urgjencës së Durrësit u goditë me tullë në kokë nga familjarët e një pacienti.
Mjeku ndërhyri për të shuar një sherr mes tre personave që po grindeshin brenda në spital.