Ish-deputetja e PD, Lindita Metaliaj denoncoi përmbytjen e varrezave në Markatomaj të Lezhës.
Përmes një postimi në “Facebook”, Metaliaj e cilësoi këtë një turp, shkruan “Vizion Plus”.
Ajo bëri thirrje nga autoritetet që të marrin masa menjëherë për rregullimin e situatës.
“Varrezat në Markatomaj të Lezhës dje pasdite ishin nën pushtetin e ujit! Banorët e zonës të irrituar nga kjo gjendje e pajustifikueshme kërkojnë ndërhyrje të menjëhershme në sistemimin e ujërave me rrjedhje malore. Pushteti vendor në mënyrë urgjente të marrë të gjitha masat për sistemimin dhe përmirësimin e situatës! Është më e pakta që mund të bëhet! Respekti ndaj të vdekurve dhe banesave të tyre të fundit është detyrim për pushtetin vendor! Turp!”
