Pas ish ministrit të brendshëm Saimir Tahiri edhe drejtori i përgjithshëm i policisë Haki Çako dha dëshminë e tij në Prokurorinë e Krimeve të Rënda mbi kërcënimin e Rektorit të Tiranës nga Emiljano Shullazi.
Burime nga Prokuroria thanë se Çako dëshmoi mbi veprimet e policisë që me arrestimin e Shullazit por edhe marrjen në pyetje të dyshuarit kryesor për kërcënimin e Mynyr Konit e Dhori Kules në prill të vitit 2016.
Vendimi për thirrjen e drejtorit të Policisë së Shtetit u mor pas deklarimeve të Saimir Tahirit dhe kreut të policisë së Tiranës Ervin Hodaj. Ish ministri brendshëm dëshmoi se kishte marrë dijeni për kërcënimin e profesorëve, të cilët sipas Tahirit nuk kanë përmendur emra në lidhje me autorët e kanosjes që ndodhi në fushatën për zgjedhjet në universitete.
Tahiri ka thënë se pasi është njohur me rastin ka porositur Drejtorin e Përgjithshëm të Policisë Haki Çako për të ndjekur çështje, duke kërkuar nga Policia zbardhjen e ngjarjes.
