Shqipëria ofron të gjithë mbështetjen e saj për zgjidhjen e krizës së refugjatëve. Deklarata është bërë nga Ministri i Jashtëm Ditmir Bushati, gjatë takimit të Ministrave të Punëve të Jashtme të BE-së dhe vendeve kandidate të mbajtur në Amsterdam.
“Përmasat e krizës kanë krijuar pikëpyetje mbi aftësitë e vendeve të prekura për të mbajtur gjallë procesin e zgjerimit të BE-së duke u përballur njëkohësisht me pasojat e e saj. Jemi shprehur qartazi se jemi të gatshëm të jemi pjese e zgjidhjes së kësaj krize, fluksi i refugjatëve ka nxjerrë në pah një ndërveprim të përforcuar të BE-së me vendet e Ballkanit Perëndimor. Ky moment duhet shfrytëzuar për të siguruar mbarëvajtjen e proceseve demokratizuese dhe shtet-ndërtuese në rajonin tone”.
Në vijim te punimeve te këtij takimi, Bushati mbajti disa takime me disa homologë, fokusi i të cilave ishte ecuria e reformave shtet-ndërtuese, në kuadër të pesë prioriteteve kyçe për hapjen e bisedimeve për anëtarësimin e Shqipërisë në BE.
