Breshëri shkatërron mollën në Devoll, ikën dëm 80% e prodhimit

80% e prodhimit të mollës në njësine administrative të Progrit në Bashkinë Devoll ka shkuar dëm. Gjithcka ka ndodhur brenda pak minutash të martën, kur breshëri shkatërroi në masë të konsiderueshme kryesisht pemëtoret me mollë të cilat kishin lidhur tashmë kokrrat. Dëme ka pasur edhe në kulturat e tjera bujqësore, kryesisht në perime, por dëmtimi i mollës është mjaft i madh  aq sa sipas fermerët kete vit nuk do te kenë prodhim. Një gjë e tille përkthehet në humbje të mëdha për fermerët e të gjitha fshatrave të njesisë Proger në Devoll, të cilët kanë hedhur sasi të konsiderueshme lekesh për tu kujdesur per pemëtoret me mollë që janë burimi i vetëm i të ardhurave për familjet e tyre. Fermerët shprehen të pafuqishëm për të përballuar dëmet, ndërsa kërkojnë ndihmën e shtetit për demshperblim. Ndërkohe në të gjithë Bashkinë e Devollit dëmi i shkaktuar nga breshëri në pemëtoret me mollë ka arritur në 40%. Kryebashkiaku i Devollit Eduart Duro i kontaktuar nga Vizion Plus tha se që prej pasdites së të martës janë ngritur grupet e verifikimit të dëmeve të cilat do të shkojnë në cdo fshat për të evidentuar dëmet dhe për tja dërguar më pas të gjithë praktiken Emergjencave Civile  për dëmshperblimin e fermerëve.