Kreu i Partisë Demokratike, Sali Berisha, ka komentuar protestën e opozitës të mbajtur ditën e djeshme para kryeministrisë.
Në një konferencë me gazëtarët, Berisha tha protesta e djeshme do shqiptar se fitorja mbi regjimin është e sigurt.
Berisha: Pas 20 shkurtit të vitit 1991, 10 shkurti i vitit 2026 do të shënohet në analet e përpjekjeve të shqiptarëve për liri dhe dinjitet kombëtar dhe njerëzor si ngjarja më e rëndësishme. Si faqja më e ndritur e kryengritjes paqësore të shqiptarëve për çlirimin nga diktatura autoritare e organizatës kriminale që kryesohet nga Edi Rama. Shqipëria është tjetër sot, nuk është më kurrë ajo e një dite më parë. Dhe kjo është merita e madhe e njerëzve të sakrificës, e njerëzve të idealeve, e njerëzve të gatshëm të përballen për të mbrojtur vlerat më të çmuara të njeriut. Protesta e djeshme bindi çdo shqiptar se fitorja mbi narkoregjimin është e sigurt.
Për më shumë se tre orë opozita protestoi ditën e djeshme para godinës së qeverisë dhe parlamentit duke kërkuar largimin e kryeministrit Edi Rama dhe krijimin e një qeverie teknike që do të çojë vendin në zgjedhje të parakohshme.
Berisha gjatë fjalës së tij, i bëri apel të gjitha forcave opozitare që të bashkohen në betejën kundër qeverisë.
Në fund të fjalës së Berishës, protestuesit hodhën molotovë e fishekzjarre drejt godinës së qeverisë.
Ndërkohë policia u kundërpërgjigj me ujë dhe gaz lotsjellës. Si pasojë e përplasjeve, 19 efektivë u lënduan. Ndërsa 21 protestues, mes tyre 4 të mitur u vunë në pranga.
