Belgjikë – Francë, alarm për sulme

Një alarm për sulme terroriste nga ISIS ka mobilizuar njësitë e antiterrorit në Belgjikë dhe Francë. Autoritetet belge kanë marrë një informacion, sipas të cilit një grup militantësh të shtetit islamik janë nisur drejt evropës prej afro një jave për të kryer sulme. Sipas inteligjencies belge, ata janë infiltruar në radhët e emigrantëve dhe po mbërrijnë në Greqi përmes Turqisë me anije dhe pa pasaporta. Që prej masakrës së Parisit, të gjithë shërbimet informative dhe forcat e sigurisë janë në gjendje gatishmërie. Në Francë, siguria është në nivelin maksimal, si vend organizator i kampionatit Euro 2016.