Kreu i Partisë Demokratike, Lulzim Basha komentoi dhunën që shoqëroi festimet për Ditën e Verës në Elbasan.
Basha u shpreh për mediat se dhuna nuk mund ta ndalë më ndryshimin. Ai theksoi se me ardhjen e pranverës do të rikthehet shpresa për qytetarët.
“Pas takimit u vonova pak sepse më thanë se kishte pasur një incident. Unë do të vazhdoj me axhendën time dhe nuk do të ndaloj sepse Shqipëria ka ndaluar boll për 8 vite. Kështu që më ndiqni. Me qetësi. Nuk mund të na ndalë dhe nuk do të na ndalë më dhuna. Është ditë feste, ditë shprese, kur dielli do të shndërrisë. 14 marsi është e luleve, është Dita e Verës, dita e shpresës. Pranvera e mposht dimrin. Kështu të bëhemi të gjithë bashkë për ndryshimin që duan qytetarët. Thirrja ime është kundër dhunës, kundër provokimeve nga dhuna. Nuk ka shans që Edi Rama dhe bandat e tij ta mbajnë peng Elbasanin. Ju uroj nga zemra Gëzuar Ditën e Verës.”
