Kryedemokrati Lulzim Basha u shpreh gjatë takimit me krerët e degëve të PD se do të zbatojë statutin ndaj kujtdo që ka shkelur vendimin e Kryesisë, ndërsa përsëriti qëndrimin e tij se Berisha kërkon të destabilizojë Partinë Demokratike.
“Do të bëjë Sali Berisha miting me 11 dhjetor? Apo mendon se do te ngrejë struktura paralele? Ka thënë që nuk e njeh Kuvendin e datës 18 si Kuvend legjitim. E kuptoj, asgjë legjitime nuk njeh Sali Berisha. Sepse qëllimi është ilegaliteti, bunkerizimi, destabilizimi i PD. Por veprimet ilegjitime, tentativa për bunkerizim, dëmtimi i interesave elektorale dhe politike te PD, e kane përgjigjen në statut. Dhe do ta zbatoj Statutin ndaj kujtdo. Kush shkel vendimin e Kryesisë së Partisë, fatin e ka të caktuar nga Statuti i Partisë, përfshirë këtu edhe Sali Berishen. Boll eshtë boll. Asnjë anëtar nuk është mbi Statutin dhe nuk është mbi të tjerët”, u shpreh Basha.
