Protestat e dhunshme në Barcelonë kanë hyrë në ditën e 6-të, ndërsa protestuesit nuk kanë ndërmend të tërhiqen.
Mijëra të rinj protestuan deri në orët e para të mëngjesit të kësaj të diele, ndërsa pritet që tubimi të vazhdojë deri në mesnatë. Sipas autoriteteve numri i protestuesve arriti në mbi 6000, por intensiteti i dhunës ka ardhur duke u ulur.
Mesnatën e së shtunës mijëra protestues kaluan qetësisht në Rambla de Barcelona. Ata zgjodhën të ulen në shesh, ndërsa thërrisnin “Ne jemi njerëz të paqes”.
Paralelisht disa protestues formuan një barrikadë për të penguar policinë, një përpjekje që përfundoi me përleshje mes protestuesve dhe policisë. 6 protestues u arrestuan, duke e çuar në 171 numrin e të arrestuarve nga autoritetet.
Udhëheqësi i Barcelonës, Ada Colau, bëri thirrje për qetësi dhe ndërprerje të protestave të dhunshme. Ai tha se një situatë e tillë nuk mund të vazhdojë më.
Protestat në Barcelonë nisën rreth 1 javë më parë pasi gjykata supreme e Spanjës dënoi me mbi 100 vite burg në total 9 liderë katalanas.
