Në fjalën e tij në Kuvend, deputeti Ornaldo Rakipi u ndal edhe te vendimi i DASH për shpalljen non grata të babait të tij, Aqif Rakipi.
Ai e konsideroi këtë vendim të padrejtë dhe se babai i tij po bën gjithçka për të vendosur në vend drejtësinë, ndërsa sulmoi ish-kryetarin e Partisë Demokratike, Lulzim Basha si një person të dështuar dhe materialist.
“Nuk ka detyrim më të madh sa ky që ta justifikoj këtë besim bujar, dua të sqaroj qytetarët sa i përket aktit të DASH, im atë po ndërrmet çdo hap për të marrë drejtësi, vlerësojmë ambasadën amerikane, por vendimi i tyre ka lë mundësi apelimi. Kam një fjalë për Lulzim Bashen, mos mallko suksesin tjetër, por politika është takime me njerëzit, prandaj ke dështuar se nuk arritje që të marrësh besimin e njerëzve se je fals dhe je materialist, kur gjendesh atyre në ditë të vështira, kur kanë një problem, kur nuk i dëgjon kush, babai im bëhet copash për të ndihmuar një njeri në nevojë, babai im ndryshe nga ti ka burrni. Sa për akuzat, ju ftoj ju, mediat, të hetojne aktivitetin tim, që nga momenti i angazhimi deri tani, nuk do humb asnjë sekondë, do e justifikojë besimin e shqiptarëve.”
