Të jesh pjesë e familjes mbretërore më të famshme e më të komentuar në botë, nuk është aq e lehtë sa mund të mendoni, e çuditërisht presionit për të qenë gjithmonë në lartësinë e duhur nuk i shpëtojnë dot as fëmijët. Edhe pse princesha Charlotte është më e vogla e familjes, për fat të mirë a të keq i duhet të shijojë fëmijërinë mes rregullave të imponuara nga mami Kate e stërgjyshja Elizabeth dhe pasioneve të një vogëlusheje.
Në dallim nga shumë bashkëmoshatare të saj, vajza e vetme e princit William dhe dukeshës së Cambridge nuk është gjithmonë e lirë të bëjë atë që do. Në dallim nga shumë bashkëmoshatare të saj, princesha 3-vjeçare Charlotte nuk mund të veshë çfarë të dojë. Kjo është edhe arsyeja kryesore përse në të gjitha daljet publike ajo mban të veshur fustan me motive lulesh të sfumuara dhe jakë Peter Pan, dhe kurrë pantallona.
Nëse mendoni se fajin për këtë e ka Elizabeth, gaboheni, kësaj here përgjegjësia i takon Kate Middleton. Duke qenë se Charlotte është trashëgimtarja e katërt në linjën e familjes për të marrë fronin, ajo duhet të mësohet që tani me një kod të caktuar veshjesh./Living
