Një ngjarje e rëndë është regjistruar në Korçë, ku një 40-vjeçare ka kërkuar ndihmën e policisë, pas largimit nga banesa të vajzës së saj 13-vjeçare. Si rezultat i hetimeve të shpejta, policia ka arrestuar një 17-vjeçar, i identifikuar me inicialet F. T., nën akuzën e kryerjes së marrëdhënieve seksuale me të mitur.
Sipas burimeve nga grupi hetimor, i riu, që i përket komunitetit rom, ka pranuar përpara oficerëve të policisë gjyqësore se ka pasur marrëdhënie me të miturën, me marrëveshje të ndërsjellë. Megjithatë, duke qenë se vajza është vetëm 13 vjeç, ligji e konsideron marrëdhënien të dënueshme penalisht, pavarësisht konsensualitetit të pretenduar.
Policia ka kryer arrestimin e 17-vjeçarit me iniciativë, ndërkohë që Prokuroria e Korçës ka nisur hetimet për këtë rast. Ky është rasti i dytë që prokuroria e Korçës arreston të rinj të komunitetit rom me këtë akuzë, ku Dritson Kurti u desh të qëndronte pas hekurave të burgut për më shumë se 9 muaj ndërkohë që tani është në masën e sigurisë detyrim paraqitjeje.
/vizionplus.tv
