Gjykata e Apelit të Tiranës ka lënë ne fuqi vendimin e shkallës së parë e cila vendosi masen e sigurise arrest me burg per Fredi Rrushin, i akuzuar si vrasësi i biznesmenit Ruzhdi Hoxha.
Por nga ana tjetër, apeli ka liruar nga burgu, duke vendosur arrest shtëpie për vëllain e autorit, Pajtim Rrushi.
Ky i fundit akuzohet për veprimie që pengojnë zbardhjen e të vërtetës dhe asgjesim të kufomës.
Ndërkohë Fredi Rrushi akuzohet për vrasje, armëmbajtje dhe asgjësim të kufomës.
Trupi i Ruzhdi Hoxhës, pas vrasjes u hodh në humnerë pas malit të Dajtit. Ishte denoncimi i djalit të viktimës, i cili tha se prej ditësh babai i tij kishte humbur kontektet me familjen.
Përmes kamerave të sigurisë dhe qelizave telefonike, policia arriti në zbardhjen e vrasjes.
Mister mbetet ende makina tip Pasat, ku dyshohet se u vra 43-vjeçari.