Ish-futbollisti i Kombëtares, Andi Lila është një ndër figurat publike që është i përfshirë në politikë dhe ka shprehur publikisht mbështetjen e tij për Partinë Demokratike.
Ai ka besimin se PD do t’i ndryshojë faqen sportit shqiptar. Nga studioja e “Zgjedhje 2021” në “Vizion Plus”, Lila deklaroi se Lulzim Basha është kryeministri i ndryshimit.
“Kryeministri i ndryshimit është zoti Basha. Në këto 8 vite ne kemi parë sportin të shkojë keq e më keq. I dhuruam një fanellë të dedikuar nga të gjithë lojtarët, ai është kryeministri i ndryshimit në sport dhe në të gjitha fushat. Futbollistët trajtohen si skllevër. Çfarë bëri ky kryeministër në tetë vite për t’i nxjerrë nga skllavëria? Zero! Kryeministri i ndryshimit do ta bëjë atë dhe nëse nuk e bën, te Kryeministria do t’i shkojmë të gjithë sportistët zotit Basha.”
