Agjencia e Mbikëqyrjes Policore (AMP) ka nisur hetimet për strukturat e Policisë së Durrësit pas aksidentit tragjik që u mori jetën dy fëmijëve të mitur.
Burime zyrtare bëjnë me dije se hetimet po përqendrohen jo vetëm te efektivët në terren, por edhe te drejtuesit e policisë vendore, për të verifikuar nëse ka pasur shpërdorim detyre apo favorizim ndaj 57-vjeçarit Nikoll Radaçi, konkretisht nëse duhej t’i ishte bllokuar më herët leja e qarkullimit.
Ndërkohë, Gjykata e Durrësit ka vendosur masën e sigurisë “arrest me burg” për Radaçin, i cili dyshohet se, në gjendje të dehur, humbi kontrollin e automjetit dhe përplasi katër fëmijë që ndodheshin në trotuar.
Ngjarja e rëndë ndodhi më 3 maj në lagjen nr. 15 në Durrës. Si pasojë e përplasjes, dy fëmijë të moshës 9 dhe 12 vjeç humbën jetën, ndërsa një 8-vjeçar ndodhet në Spitali. Një tjetër fëmijë fatmirësisht shpëtoi pa lëndime.
Hetimet vijojnë për të zbardhur plotësisht rrethanat e ngjarjes dhe për të përcaktuar përgjegjësitë ligjore.
/vizionplus.tv
