Një aksident me pasojë vdekjen e një personi dhe plagosjen e 4 të tjerëve është regjistruar në aksin rrugor Korçë-Pogradec.
Aksidenti ka ndodhur në afërsi të fshatit Leshnicë, ku një automjet tip “Golf”, është përplasur me nje mjet tip “Benz” me drejtues shtetasin D.H.
Policia që hetoi ngjarjen ka bërë të ditur edhe identitetin e të aksidentuarve nga përplasja e dy mjeteve.
Burime të policisë bënë me dije se drejtuesi I mjetit tip ‘ Golf’ që humbi menjëherë jetën është shtetasi Agron Qamo, 53 vjeç nga Kamza.
E plagosur mbeti bashkëshortja e tij Fiqërete Qamo 49 vjeç. Nē të njëjtin mjet udhëtonin edhe 10 vjeçari me inicialet K.A dhe shtetësja tjetër Gentjana Akballa. Sipas të dhënave, kjo e fundit ndodhet në reaminacion nën kujdesin intensiv të mjekëve.
I plagosur ka mbetur nga ky aksident edhe drejtuesi I mjetit tip ‘Benc’ shtetasi Daniel Hyka, 38 vjeç nga fshati Petrushë. Burime spitalore thanë se pas një trajtimi paraprak 38 vjeçari Daniel Hyka është nisur drejt kryeqytetit për mjekim më të specializuar.
Policia ende nuk ka zbardhur rethanat ngjarjes të këtij aksidenti të rëndë nga përplasja e dy automjeteve në rrugën nacionale Pogradec-Korçë pranë fshatit Leshnicë.
