Deputeti i Partisë Demokratike, Arbi Agalliu ka denoncuar aferat korruptive që ndodhin me tokat në bregdetin shqiptar.
Ai akuzon drejtorinë e ALUIZNI-t Vlorë dhe zyrën vendore të regjistrimit të pasurive të paluajtshme në këtë qytet, se kanë legalizuar dhe hipotekuar për 24 orë objekt dhe truall me vendodhje në Jalë, Vuno.
“Më pas Bashkia Himarë, jep një leje ndërtimi për kompaninë “Jala Investment”, pikërisht në këtë sipërfaqe toke. Ajo që ne evidentojmë është pikërisht fakti se aksionerë të kësaj kompanie janë kushërinjtë e parë të deputetit të qarkut të Vlorës, z. Damian Gjiknuri. Në këtë kontekst ne shtrojmë këto pyetje për z. Gjiknuri: 1.A ka ndërhyrë z. Damian Gjiknuri në institucione si ALUIZN-i dhe Hipoteka Vlorë, për të përshpejtuar dhënien e lejes së legalizimit për këtë objekt? 2. A ka ndërhyrë z. Damian Gjiknuri në Bashkinë Himarë për të marrë leje ndërtimi kompania “Jala Investment” ku aksionerë janë kushërinjtë e parë të tij? 3. A po ndërhyn z. Damian Gjiknuri pranë organeve të drejtësisë në këto momente, të cilat janë duke shqyrtuar rastin?”
Në përfundim të fjalë së tij, ai inkurajon çdo qytetar të denoncojë çdo akt korruptiv dhe çdo presion që ndodh nga punonjës të caktuar, të korruptuar në administratën publike.
