Presidenti amerikan, Donald Trump, ka paditur gazetën Wall Street Journal dhe pronarët e saj, përfshirë Rupert Murdoch, duke kërkuar të paktën 10 miliardë dollarë dëmshpërblim.
Kjo pasi gazeta ka raportuar se emri i tij ishte në një urim të dërguar për ditëlindje për Jeffrey Epstein më 2003, që përmbante një vizatim me përmbajtje të nënkuptuar seksuale dhe një referencë për sekretet që ata ndanin.
Padia, e dorëzuar në gjykatën federale në Majami, përmend si të paditur Rupert Murdoch, Dow Jones, News Corp dhe shefin ekzekutiv të kompanisë Robert Thomson, si dhe dy gazetarë të Wall Street Journal.
Në kallzim pretendohet për shipfje ndaj Presidentit amerikan të cilit i është shkaktuar dëm i mëdha financiar si dhe i është dëmtuar imazhi.
Epstein, një financier i dënuar për trafikim seksual, bëri vetëvrasje në qelinë e një burgu në Nju Jork më 2019.
Rasti i tij ka nxitur teori konspirative dhe u bë i famshëm në mesin e mbështetësve të Trumpit të cilët besojnë se qeveria ka fshehur lidhjet e Espteinit me personat e pasur dhe të fuqishëm.
Trump ka thënë se kishte ndarë rrugët me Epsteinin para se problemet ligjore të bëheshin publike më 2006.
Presidenti amerikan e ka mohuar raportimin e gazetës Wall Street Journal, dhe më herët kishte paralajmëruar Murdoch se kishte ndërmend te padiste. Dow Jones, kompania mëmë e gazetës, është një degë e News Corp.
