Brejsa Kasëmaj, 18 vjeç, ka vendosur të dhurojë gjak për herë të parë në Ditën Botërore të Dhurimit. E emocionuar ajo ndan arsyen pse vendosi të bëhet pjesë e këtij akti humanitar.
“Është hera ime e parë, dua të bëjë një ndryshim në jetët e njerëzve të tjerë, nuk po humbas diçka ose jo, thjesht po ndihmoj jetën e një personi. Jam 18 vjeçe, jam e emocionuar, çdo vit do jem këtu duke dhënë gjak. Do ju thosha të gjithëve nësë i keni kushtet shëndetësore të duhura dhe mund të jepni gjak, jepni gjak dhe shpëtoni jetën e një personi”, tha Kasëmaj.
Sipas presidentit të Kryqit të Kuq Ylli Alushi, numri i kërkesave për gjak vazhdon të mbetet ende më i lartë se numri i dhuruesve.
“Deri më sot pavarësisht të rejave shkencore që publikohen nuk është bërë e mundur që të dhurohet gjak , prandaj gjaku mbetet një nevojë e vazhdueshme për shoqërinë njerëzore. Numri i nevojave është më i lartë se numri i dhuruesve të gjakut, qoftë dhuruesit që sigurohen nëpërmjet aktivitetit të Kryqit të Kuq qoftë edhe nga sektorë të tjerë. Përpjekjet e tyre dhe subjekteve të tjera nuk i plotëson nevojat për gjak që ka shoqëria jonë”, tha Ylli Alushi.
Blerta Ndrekaj, kooridinatore pranë Kryqit të Kuq, thotë se dhurimi i gjakut sjellë përfitime për shëndetin, ndërsa jep edhe nje mesazh në ditën botërore
“Çdo person që është i shëndetshëm nga mosha 18 vjeç deri në moshën 60 vjeç deri në 50 kg peshë që ndihet i shëndetshëm mund të dhurojnë gjak. Trupit dhe organizmit i bënë shumë mirë, palca dhe organizmi prodhon elementë të rinj kështu që le të themi është si një detoksifikim. Dhuroni gjak, dhuroni shpresë, së bashku shpëtojmë jetë dhe ku ka më bukur se të dhurojmë shpresë pacientëve tanë”, u shpreh Blerta Ndrekaj.
Kërkesat për gjak janë gjithnjë e në rritje, ndërsa grupet të cilët kanë më shumë nevojë janë talasemikët, ata me sëmundje kronike si dhe të aksidentuarit.
/vizionplus.tv
