Presidenti i zgjedhur amerikan Donald Trump i ka kërkuar Gjykatës së Lartë në SHBA të pushojë zbatimin e një ligji që do të ndalonte përdorimin e aplikacionit tik tok ose do të detyronte shitjen e tij.
Trump e ka bërë këtë kërkesë duke argumentuar se ai duhet të ketë kohë në dispozicion pasi të marrë detyrën, për të gjetur një zgjidhje politike për këtë çështje.
Seanca e rradhës në Gjykatën Supreme ku do të dëgjohen argumentet do të mbahet në 10 janar.
Ligji aktual amerikan i kërkon pronarit kinez të Tik Tok, Byte Dance, t’i shesë platformëen sociale një kompanie amerikane ose në rastin e kundërt do të përballet me një ndalim.
Kongresi amerikan votoi në prill të këtij viti për ta ndaluar atë nëse ByteDance nuk e shet aplikacionin deri më 19 janar.
TikTok, i cili ka mbi 170 milionë përdorues amerikanë dhe kompania kryesore e tij kanë kërkuar që të hiqet ligji. Por nëse gjykata nuk vendos në favor të tyre, aplikacioni mund të ndalohet në Shtetet e Bashkuara më 19 janar, një ditë para se Trump të marrë detyrën.
Disa vende të botës e kanë ndaluar ndërsa të tjerë, përfshirë dhe Shqipërinë, po diskutojnë të kufizojnë aplikacionin kinez për shkak të përdorimit të të dhënave apo përrmbajtjes së rrezikshme platformës e cila synon kryesisht të rinjtë./vizionplus.tv
