Situata aktuale politike ka krijuar diskutim mes të ftuarve këtë të martë në studion e “Quo Vadis” të moderatores Pranvera Borakaj.
I ftuar në studio, ish-deputeti socialist Petro Koçi tha se PD do të duhet të reformohet nëse kërkon të vijë në pushtet.
Sipas tij, përballë kësaj PD-je, PS do të fitonte gjithmonë.
Por për gazetarin Endri Xhafo, as në PS situata nuk është aq e qetë, pasi ka socialistë që janë të lodhur nga Edi Rama.
Pjesë nga biseda:
Koçi: Nëse opozita nuk transformohet, nëse nuk vjen një lidership i ri dhe modern, nuk ka asgjë në vijë.
Borakaj: Si Basha?
Koçi: Basha mori më shumë se Berisha në 2021; thuhej që mund të kishte rotacion. Në 2025, edhe më ekstremi po të pyesje do të thoshte jo.
Xhafo: Ka pasur një konstante ekstreme në 2021, ku pas dy mandateve pritej rotacion.
Koçi: Në interesin e PS, për mua, PD kështu qoftë gjithmonë.
Xhafo: Ka edhe socialistë që janë të lodhur nga Rama.
