Detaje nga tragjedia në Roskovec/ Rrapaj vrau bashkëshorten dhe më pas veten, familja prej kohësh me konflikte, ja çfarë ndodhi 10 vite më parë

Një ngjarje e rëndë ka tronditur mesditën e sotme fshatin Kuman, në Roskovec.

Një i moshuar , i identifikuar si Shefit Rrapaj, 80 vjeç, dyshohet se ka vrarë bashkëshorten e tij Dashuri Rrapaj, rreth 75 vjeçe, brenda banesës së tyre. Më pas, ai ka vrarë edhe veten.

Lexo edhe :

Tragjedia në Roskovec, flet djali i çiftit Rrapaj: Babai ishte tip konfliktual, u grindëm për plehun e patateve 10 ditë më parë

Vrau bashkëshorten dhe më pas veten, ky është çifti i të moshuarve nga Roskoveci

Çifti Rrapaj kishte rreth 20 vite që jetonte në këtë zonë, pasi ishin zhvendosur nga Levani i Beratit. Ata ishin prindër të 9 fëmijëve, 3 vajza dhe 6 djem, shumica e të cilëve jetojnë në emigracion.

Vetëm njëri prej djemve banonte me ta dhe është shoqëruar në komisariat për të dhënë dëshminë e tij lidhur me ngjarjen.

Burime nga zona bëjnë me dije se në familje kanë ekzistuar konflikte të vazhdueshme ndër vite. Madje, vetëm katër ditë më parë, në banesën e tyre kishte ndërhyrë edhe policia për të sqaruar mosmarrëveshjet mes çiftit.

Gjithashtu, mësohet se rreth 10 vite më parë, i moshuari kishte tentuar t’i jepte fund jetës me armë zjarri.

Në vendngjarje ndodhet grupi hetimor, i cili po punon për zbardhjen e plotë të rrethanave dhe dokumentimin e këtij rasti të rëndë.