Detaje të reja kanë dalë në lidhje me krimin e rëndë brenda familjes në fshatin Kuman të Roskovecit, ku Shefit Rrapaj, 80 vjeç, dyshohet se ka vrarë bashkëshorten e tij Dashuri Rrapaj, rreth 75 vjeçe, brenda banesës së tyre. Më pas, ai ka vrarë edhe veten.
Sipas burimeve policore, djali i çiftit Rrapaj ka deklaruar në polici se në momentin e ngjarjes ndodhej në Fier për një konsultë mjekësore, fakt që është verifikuar edhe përmes kamerave të sigurisë.
Lexo edhe :
Related Posts
Në dëshminë e tij, ai ka pohuar se i ati ishte tip konfliktual dhe se zënka e fundit mes tyre kishte ndodhur rreth 10 ditë më parë, për një çështje banale në lidhje me plehërimin e patateve në oborrin e banesës. Konflikti kishte përfunduar deri në Komisariatin e Roskovecit, ndërsa, sipas tij, nëna i dilte gjithmonë në krah.
Pas kthimit nga Fieri, djali ka gjetur prindërit të pajetë në banesë. Fillimisht ka njoftuar një kushëri dhe më pas policinë.
Hetimet paraprake tregojnë se arma e përdorur në krim është e tipit të vjetër dhe dyshohet të ketë qenë e fshehur që prej vitit 1997, pasi është gjetur me dhe.
/vizionplus.tv
