SHBA i dha “dritën jeshile” Ukrainës të përdorë “ATACMS”, reagon Zelensky: Raketat do të flasin vetë

Presidenti Volodymyr Zelensky ka pranuar raportet e mediave për përdorimin e ATACMS kundër Rusisë – por ai nuk konfirmoi ose mohoi nëse ishte dhënë leja për t’i përdorur ato nga SHBA.

Në një deklaratë video, presidenti tha se ai kishte paraqitur një “plan fitoreje” për aleatët, i cili përfshinte “aftësi me rreze të gjatë për ushtrinë tonë”.

Lexo edhe :

Related Posts

SHBA autorizoi Ukrainën të përdorë "ATACMS", zyrtari rus: Vendimi i Uashingtonit mund të çojë në Luftën e Tretë Botërore

Çfarë do të thotë vendimi i Biden për të lejuar Kievin të godasë Rusinë me raketa me rreze të gjatë! Si do të reagojë Putin?

“Shumë në media po thonë se kemi marrë leje për të ndërmarrë veprimet e duhura”, tha ai. “Por goditjet nuk kryhen me fjalë. Gjëra të tilla nuk njoftohen. Raketat do të flasin vetë.”

Çfarë armësh po i ofron SHBA Ukrainës?

SHBA ka qenë furnizuesi më i madh i armëve për Ukrainën që nga fillimi i konfliktit.

Midis shkurtit 2022 dhe fundit të qershorit 2024, ajo dorëzoi armë dhe pajisje me vlerë 55.5 miliardë dollarë (41.5 miliardë £), sipas Institutit Kiel për Ekonominë Botërore, një organizatë gjermane kërkimore.

Aleatët e tjerë si Gjermania dhe Britania e Madhe kanë dhënë armë dhe pajisje përkatësisht me vlerë 11 dhe 9,6 miliardë dollarë.

Armët përfshijnë avionë, mbrojtje ajrore, tanke dhe drone.

Britania e Madhe e ka furnizuar Ukrainën me raketa me rreze të gjatë të quajtur Storm ShadoWs, por nuk e ka lejuar Ukrainën t’i përdorë ato kundër territorit rus./vizionplus.tv