Dhuna në Kuvend, Elda Hoti në SPAK: Para drejtësisë duhet të jenë Rama dhe ministrat

Deputetja e Partisë Demokratike, Elda Hoti u thirr sot nga prokuroria antikorrupsion për dhunën në parlament. Menjëherë pasi doli nga ambientet e prokurorisë së posaçme ligjvënësja e opozitës tha se nuk do duhej të ishte ajo përballë drejtësisë, por ministrat e ish- ministrat socialistë.

“Pse nuk thërret SPAK Ramën për inceneratorët, Portin e Durrësi, pse nuk thërret vëllain e Ramës, Belinda Ballukun që me një të rënë të lapsit për tunelin e Llogarasë ka fituar 50 mln euro, pse nuk thërret Frida Krifcën, Manastirliun për aferat korruptive me koncesionet. Deklarova atë çfarë deklarova në Kuvend, është e turpshme dhe akuzë qesharake që shqiptarët te merren me atë që ndodhi në kuvend, sot shqetësim duhet të jetë maskara që ndodhi dje në Shkodër, se si shteti i është dorëzuar bandave dhe krimi”, tha Hoti.

Lexo edhe :

Related Posts

Hodhi lëndën e lëngshme në Kuvend, Elda Hoti: Të rrijë e qetë Elisa, ishte aromatizues që nuk rrezikon jetën e deputetëve

Hoti hedh një material të lëngshëm në Kuvend, Spiropali: Po rrezikon jetën e deputetëve, dil jashtë

Trazirat në Kuvend, policia referon materialet në SPAK për Elda Hotin, Gazment Bardhin e deputetë të tjerë të opozitës

Deputetja e Partisë Demokratike u thirr ne SPAK pas kallëzimit të bërë nga policia për seancën e parlamentare të 17 tetorit. Elda Hoti pretendoi se hodhi spry  aromatizues në sallën e kuvendit, ndërsa Partia Socialiste tha se ishte benzinë. /vizionplus.tv