Trazirat në Kuvend, policia referon materialet në SPAK për Elda Hotin, Gazment Bardhin e deputetë të tjerë të opozitës

Policia e Tiranës ka referuar materialet në Prokurorinë e Posaçme Kundër Korrupsionit dhe Krimit të Organizuar në gjendje të lirë për deputetët e opozitës që shkaktuan trazira dje nrenda dhe jashtë Kuvendit.

Ndër to janë deputetja Elda Hoti, Gazment Bardhi, Flamur Noka, Luan Baçi dhe Dashnor Sula.

Lexo edhe :

Related Posts

Dhuna në Kuvend, Elda Hoti në SPAK: Para drejtësisë duhet të jenë Rama dhe ministrat

Hoti hedh një material të lëngshëm në Kuvend, Spiropali: Po rrezikon jetën e deputetëve, dil jashtë

Kaosi në Kuvend, PS kërkon përjashtimin e tre deputetëve demokratë

Njoftimi i policisë:

Drejtoria Vendore e Policisë Tiranë në lidhje me tubimin e zhvilluar ditën e djeshme, në vijim të veprimeve hetimore të kryera ka referuar materialet në Prokurorinë e Posaçme Kundër Korrupsionit dhe Krimit të Organizuar në gjendje të lirë për shtetasit:

– E. H., 32 vjeçe, për veprën penale “Kanosja” dhe “Shkelja e rregullave mbi lëndët helmuese”;

– F. N., 53 vjeç, B. N., 38 vjeç, G. B., 39 vjeç, D. S., 55 vjeç, L. B., 61 vjeç, dhe S. K., 43 vjeç, për veprën penale “Kundërshtimi i punonjësit të policisë së rendit publik”.

Ditën e djeshme, në ambientet e sallës së seancave plenare të Kuvendit të Shqipërisë, shtetasja E. H., ka hedhur në drejtim të deputetëve një lëndë të lëngshme të paidentifikuar, ndërsa në hyrje të godinës së Kuvendit të Shqipërisë, shtetasit F. N., B. N., G. B., D. S., L. B., dhe S. K., kanë kundërshtuar me dhunë punonjësit e policisë të planëzuar me shërbim.

Materialet i kaluan Prokurorisë. /vizionplus.tv