Vizion Plus ka siguruar dëshminë e nënës së Jetnor Zhabolit, 35-vjeçarit të arrestuar dy ditë më parë në Tiranë.
35-vjeçari mbante të ngujuara në shtëpi nënën, bashkëshorten dhe dy fëmijët e mitur. Ai monitoronte ambientin me kamera dhe madje kishte vendosur bllokuesh valësh, duke mos i lejuar as komunikimin me persona të tjerë.
Lexo edhe :
Related Posts
Më datë 25.01.2024 i është marr deklarim shtetases Hume Zhaboli e cila deklaron se, “djali i saj quhet Jetnor Zhaboli, i cili prej 15 vitesh së bashku me periudhën e njohjes është i martuar me shtetasen E.Isufaj, pasi ka mbajtur mbiemrin e vet vajza. Me nusen nuk ka asnjë ankesë, është vajzë e rregullt, besnike, e ndershme, me të pritura dhe është shumë e kënaqur. Prej 1 viti e pak Jetnori ka filluar me probleme shqetësues emocionele, dhe mendore mund ta themi, ka shqetësime sikur dëgjon zhurma në mure të banesës, përgjime. Për këtë shkak kanë bërë kontrolle dhe me specialistë dhe nga kontrolli nuk ka dal ndonjë gjë. Jetnori ka probleme të karakterit emocional të cilat mund të shkojnë dhe mendore, e pranon me keqardhje si nënë se djalin e ka pikë të dobët. Jetnori ka probleme pasi nuk ka zhurma në banesë dhe kur e ka kontrolluar ajo së bashku me bashkëshortin nuk ka pasur zhurma, janë sajesa të tijat, ja thotë mendja. Jetnori ka ankesë ndaj bashkëshortes, është xheloz për Esjonën, i ka marrë dhe telefonin, E. nuk ka telefon.
E. është grua shembullore por Jetnorit ja bën sëmundja që ka. Ka kamera sigurie të vëndosura nga Jetnori, nuk i ka numëruar por ka shumë kamera në brendësi, dera ka shumë brava, unë kam frikë se Jetnori i ka marrë çelsat, vetëm ai i ka çelsat e shtëpisë, dhe mund të ndodhë që mund të bierë ndonjë zjarr më ngelin nipërit brënda. Jetnori ka vënë shumë brava në derës se ashtu ja thotë sëmundja që ka dhe çelsat i ka vetëm ai. E. ka një vit nuk ka shoqëri nuk ka as telefon jo më të dali, nuk e le Jetnori të dali, e bën çdo lëvizje të kontrolluar. Ato jetojnë në Krastë nuk jetojnë me to, nuk e di, por Jetnori kur bën debate shpërthen për pesë minuta, më pas ledhaton fëmijët, ato 5 minuta i ka si pasojë e faktit se thotë se dëgjon zhurma nga muret, gjë që nuk është e vërtët, fik dritat e lë shtëpin pa drita dhe rri shtëpia pa drita. I ka kërkuar si nënë i është lutur të mjekohet, është përgjëruar por nuk bindet, ka probleme djali dhe duan ta ndihmojmë por nuk dëgjonë, ka hallin e fëmijëve se mos ndodh gjë, se ka dhe dy nipër në banesë. I ka kërkuar burrit, ja ka kërkuar por nuk i dëgjon njeri, më shumë i shkakton probleme dhe fëmijëve, janë trembur fëmijët. Kërkonë ndihmë. Jetnori nuk pranon ilaçet thotë nuk jam i sëmurë jam në rregull , nuk i pranon ilaçet. Kjo situatë në kokën e tij ka një vit dhe na kërkon ndihmë, i ka kërkuar ndihmë por asgjë nuk po zgjidhim asgjë dhe sot na ka mbyllur në shtëpi dhe çoi djalin.”/vizionplus.tv
