Shefi i kabinetit të PD, Dorian Teliti deklaroi këtë të martë në konferencën e zhvilluar së bashku me kryedemokratin Lulzim Basha se ulja e taksave shërben si instrument për ta kthyer ekonominë në shinat e zhvillimit.
Sikundër tha edhe Jorida Tabaku, demokrati theksoi se nga taksa e sheshtë 9 për qind përfiton shtresa e mesme, duke shtuar se kursimet që krijon taksa e sheshtë mbeten ne xhepat e qytetarëve.
“Vendosim taksën 9% e sheshtë për pagat duke ruajtur fashën e pataksuar 300 mijë lekë. Kursimet që krijon taksa e sheshtë mbeten ne xhepat e qytetarëve. Totali i taksave lokale e qëndrore mbi biznesin e vogël, jo më shumë se 0.5% tatim mbi xhiron. Ne po vendosim një tavan që taksat lokale e kombëtare mbi biznesin e vogël të mos e kalojnë këtë”, deklaroi Teliti, raporton Vizion Plus.
