Bujqësia, “peng” i koronavirusit/ Greqia, Italia dhe Gjermania duan punëtorë shqiptarë

Mbyllja e kufijve prej koronavirusit ka lene Evropen pa punëtorë sezonal. Shume  vende jane tashme në kërkim të zgjidhjeve sa me te shpejta per te mos demtuar bujqesine. Pandemia ka ndryshuar gjithcka. Mungesa e punëtoreve sezonale ka lënë fermat e Evropës pa pune, per shkak te bllokimit te mijëra emigrantëve te perkohshem.

Greqia si cdo vit ka kerkuar punetoret kryesisht nga vendi yne. Qeveria greke dhe ajo shqiptare jane duke shqyrtuar mundesine e hapjes se kufirit vetem per kete kategori emigrantesh, me qellim qe te mos ndalet puna kryesisht ne sektorin e bujqesie. Sipas nje plani te shpalosur nga ministri grek Makis Voridhis, keta punetore do te karantinohen per 15 dite, me pas do t‘i nenshtrohen testeve mjekesore e do te vijojne punen ne fusha.

Në Itali, shoqata bujqësore Coldiretti vlerëson se gati një e katërta e prodhimit, përfshirë verërat dhe vajin e ullirit është në rrezik për shkak të mungesës së krahut te punes. Bujqesia tashme eshte peng i 370,000 punëtorëve sezonalë kryesisht nga Shqiperia, Rumania, Maroku, e senegali.

“Ka produkte qe duhe vjele në kohën e duhur, përndryshe ato do të kalben në fushë. Kjo punë nuk mund të shtyhet”, tha Presidenti i Coldiretti, Ettore Pradini. Ndërsa afrohet sezoni i vjeljes së frutave, Coldiretti ka ngritur një platformë në internet për të gjetur njerëz që mund të punojnë në ferma.  

Ministrja e Bujqësisë, Teresa Belanova sugjeroi gjithashtu që qindra e mijëra emigrantë të paligjshëm në vend të legalizohen për të ndihmuar në fusha dhe të mos bien viktimë e shfrytëzimit të mafies.

Prilli ne Gjermani është stina e shpargujve. Gjermania është prodhuesi më i madh në botë me rreth 130,000 ton në vit. Pas mbylljes së kufijve në 25 mars, Gjermania njoftoi këtë muaj se do të lehtësojë kufizimet dhe do t’i lejojë 80,000 punëtorë sezonalë të hyjnë në prill dhe maj. Përmes faqes ne internet, qeveria gjermane  njoftoi se kërkon 20,000 banorë të përhershëm duke synuar të papunët, të pushuarit përkohësisht, studentët dhe azilkërkuesit. Kjo ka bërë qe te vleresohen me shume  punetoret, te cilet vijne nga Shqiperia, Polonia, Bullgaria e Rumania, te cilet vitet e kaluara kane fituar vetëm 9.35 euro në orë, nje pagese kjo minimale.

Spanja, e cila ka nevojë për 300,000 punëtorë sezonalë është i vetmi vend që deri më tani ka pritur emigrantët e paligjshëm, duke i konsideruar ata pjesë të zgjidhjes.

Në Francë, ministri i Bujqësisë, Didier Guillaume iu ka bërë thirrje punonjësve të hoteleve, kamerierëve, të bashkohen me “ushtrinë e madhe të bujqësisë franceze” për të zëvendësuar afërsisht 200,000 punëtorë sezonalë. Në platformën online “Des bras pour ton assiete” më shumë se 210,000 aplikime janë dorëzuar nga njerëz të cilët dëshirojnë të përfshihen në vjelje, paketim dhe shpërndarje të ushqimit. Edhe pensionistët shprehin interes, megjithëse nuk mund të largohen nga shtëpitë e tyre për shkak të pandemisë, pasi ato i përkasin një grupi të prekshëm të popullatës.

Në Britani, e cila ka nevojë për rreth 70,000 punëtorë sezonalë. Shumë fermerë thonë se kur masat të lehtesohen, punëtorët e tyre do të kthehen në punët  e mëparshme dhe do t’i lënë pa ndihmë.