Personeli ushtarak dhe civil që gjatë dy javëve të fundit ka udhëtuar në zonat e prekura nga koronavirusi do të kontrollohen. Lajmin e bëri të ditur ministrja e Mbrojtjes, Olta Xhaçka përmes një postimi në rrjetet sociale. Ajo tha se kontrolle do të ketë edhe në repartee dhe struktura ushtarake.
“Ministria e Mbrojtjes dhe Forcat e Armatosura kanë nisur marrjen e masave për parandalimin e përhapjes së COVID-19 në strukturat e vartësisë së saj, bazuar nga udhëzimet e Ministrisë së Shëndetësisë dhe Mbrojtjes Sociale, Institutit të Shëndetit Publik dhe Organizatës Botërore të Shëndetësisë. Përveç kontrolleve në reparte dhe struktura ushtarake nga ekipet mjekësore, po evidentohet personeli ushtarak/civil që ka udhëtuar në zonat e infektuara jashtë vendit gjatë dy javëve të fundit.”
