Sekretari i Përgjithshëm i Lëvizjes Socialiste për Integrim, Endrit Braimllari nga emisioni 7 pa 5 në Vizion Plus ka thënë se tërmeti, ka qenë një ndër ngjarjet më të rënda në 50 vitet e fundit.
Braimllari ndër të tjera është shprehur se në këto situata çdo person gjëja e parë është te mendojmë shpëtimin e personave, duke theksuar se LSI ka qenë gjithë kohës në terren në mbështetje të personave të dëmtuar nga tërmeti.
“Ne si LSI kemi qënë në terren dhe në komunikim me njerëzit pasi vëmendja ishte ishte te shpëtimi i njerezve. Shqipëria me varfërinë që ka e ka të vështirë menaxhimin e situates. Ne kishim një tërmet paralajmërues ateë të 21 shtatorit, i cili u pasua me 26 nëntor që solli dhe shkatërrimin e objekteve të prekura. Institucionet shtetërore nuk kushtuan vëmendjen e duhur ndaj problemeve që ishin. Ne tashmë nuk kemi vetëm një kryeministrër të papërgjegjshëm, por kemi edhe nje kabinet qeveritar. Ajo që është e rëndësishme është që të mos bëhet politike në këto kushte, atë që po bën qeveria sot, kryeministri shkon në vendet e prekura nga tërmeti më shumë kameraman se me specialist në zonat e prekura.”
Nga emisioni i mëngjesit në Vizion Plus, sekretari i përgjithshëm i LSI-së është shprehur se kjo është një situatë e jashtëzakonshme që fillesat i ka që pas tërmetit të 21 shtatorit, që institucionet e papërgjegjshme të shtetit nuk morën parasysh pasojat.
“Kjo situatë menaxhohet me përgjegjshmëri,shteti shqiptar duhet të kishte marrë masa që me 21 shtator nuk duhet të neglizhojmë institucionet e sigurisë kombëtare. Në një moment që ka një termet institucionet përkatëse bashkia, qeveria, ministria duhet të marrin masa. Situata në të cilën ndodhemi ka të bëjë me papërgjegjshmërinë e kryeministrit dhe kesaj qeveria. Tashmë ka nje javë qe ka kaluar dhe prokuroria duhet të nisë hetimet dhe të çojë para drejtësisë fajtoret, duke filluar nga ministria e Mbrojtjes. Pas 21 shtatorit presidenti ka kërkuar që të merren masa dhe të verifikohen të gjithe objektet e ndertuara, por që shteti i neglizhoje duke bërë që sot të kemi 51 viktima në vend. Une nuk them se shmangen fatkeqesitë natyrore por mund të minimalizojmë fatkeqësinë. Rama ka përgjegjësinë dhe nuk mund ti shmanget përgjegjësisë, këtë fatkeqesi natyrale ai përpiqet ta kaloje me shoë. Nuk ka fuqizim të emergjencave civile nuk ka menaxhim. Sot nuk është personi që punon në terren, por që shteti nuk investon në pajisjen e emergjencave kombëtare. Kemi një qeveri propagande që na çoi në këtë situatë.”
