Mediat italiane i kanë kushtuar goxha hapësire së fundmi impiantit të ri modern që do të jetë shtëpia e re e kombëtares shqiptare.
Stadiumi që do të inaugurohet zyrtarisht në duelin me Francën në datë 17 nëntor ( ditën e dielë) konsiderohet nga gazeta e madhe torineze Tuttosport si Uembli i Ballkanit.
Më tej në shkrim, impianti i ri nëTiranë krahasohet me “Bombonerën” e famshëm të Buenos Ajres, për nga ngjashmëria që kanë tribunat e tifozeve.
Tuttosport vë në dukje se stadiumi ri që do të inagurohet ditën e diele në duelin Shqipëri-Francë është projektuar nga një arkitekt italian.
Hapësire për stadiumin e ri edhe në një tjetër media të madhe sportive, Corriere dello Sport. Përvec intervistes me Tomas Strakoshën që tregon emocionet e babait të tij në stadiumin e vjeter “Qemal Stafa” dhe tashmë në të riun që është ngritur në të të njëjtin vend, Corriere dello sport publikon edhe një intervistë me Edy Rejan.
Tekniku i kuqezinjve tregon se entuziazmi rreth kombëtares në Shqipëri është rritur ndjeshëm. Ekipi po ecen shumë mirë, ka potencial lojtarësh të rinj me shumë talent që japin shpresë për të ardhmen.
Por jo vetëm kaq, shton Reja, pasi entuziazmin e ka rritur së tepërmi edhe ndërtimi i stadiumit të ri, të cilin ai e quan fantastik, si një gur të cmuar.
Më pas Corriere dello sport zbulon edhe disa detaje nga festa e inaugurimit të impiantit modern të dielen.
“ Do të jenë të pranishëm kreret më të lartë të shtetit, Rama dhe Meta por edhe presidenti i Uefa-s, Aleksander Ceferin. 300 ftesa janë dërguar vetëm në Itali, ku në mezin e të ftuarve do të jetë edhe kryebashkiaku i Firenzes. Me pak fjalë, pritje e madhe dhe plot ankth për ndeshjen inauguruese kundrë Francës, të atij stadiumi që krahasohet me “La Bombonera” ku luan Boca Juniors në Argjentinë.
“Arena Kombëtare” është një investim i rëndësishëm për ti dhënë më fund Kombëtares Kuqezi një shtëpi të denjë për tu përfaqësuar në ndeshjet ndërkombëtare ndonëse edhe stadiumet ne Elbasan e Shkodër u rindërtuan me parametra të larta.
Impianti në kryeqytet mban afro 22 mijë tifoze, teksa për takimin e parë ndaj Francës gjithcka është e ezaruar, pasi biletat mbaruan në kohë rekord.
