Situata politike në vendin tonë dhe qëndrimi i pandryshueshëm i të dy palëve opozitës dhe shumicës ka ngjallur shumë reagime nga ndërkombëtarët që herë pas herë bëjnë thirrje për uljen e tensioneve dhe se dorëzimi i mandatëve sipas tyre është minim i integrimit evropian.
Në një panel të ftuarish këtë të enjte në Real Story, është diskutuar rreth reagimeve të ndërkombëtarëve dhe vendimit të opozitës.
Sipas Dules dhe Spahos opozita nuk kishte zgjidhje tjetër në një mazhorancë si kjo, përveç djegies së mandateve.
Nënkryetari i Partisë Demokratike Edmond Spaho në fjalën e tij është shpehur se kjo që po ndodh në vendin tonë nuk është vetëm një krizë politike, por ekonomike dhe sociale. Sipas tij ato nuk lejoheshin të debatonin, të merrnin pjesë në votimin e ligjeve ndaj ishte e kotë që të rrinin brenda në parlament.
Ndërkohë nga ana tjetër kryetari i PBDNJ-së, Vangjel Dule ka theksuar se protestat e fundit tregojnë qartazi se nuk janë vetëm me pjesmarrjen e militantëve të forcave politike por dhe pjesës tjetër gri.
“Unë mund të them se për herë të parë dhe me atë që më thoshte një ish koleg, është hera e parë që personalisht konstatoj se pjesmarrja në protesta është përtej militantëve të forcave te opozitës, por dua të theksoj se ka një pjesmarrje të kategorisë gri dhe se peshorja është në një ndryshim radikal në favor të opozitës. Vendimi i mandateve ishte një vendim extremis, sepse dhe situata politike është extremis. Ne nuk kerkojme pushtetin ne tavoline, kerkojme zgjedhje te lira. Edi Rama deklaron vetem qe: nuk e nderprese mandati”
Ndër të tjera Dule ka theksuar se BE si prioritet për Ballkanin Perendimor, per fat te keq, ka stabilitetin dhe jo demokracinë.
