Zelanda e Re ka shpallur gjendjen e jashtëzakonshme, pas goditjes nga cikloni Gita këtë të martë. Rrugët janë bllokuar, ndërsa dhjetëra shkolla janë mbyllur. Linja ajrore kombëtare e Zelandës së Re ka anuluar të gjitha fluturimet.
Autoritetet paralajmërojnë se stuhia me erëra që arrijnë deri në 150 km për orë, nuk do të ndalet deri mëngjesin e së mërkurës.
Qindra shtëpi janë përmbytur, ndërsa shumë prona në bregdet janë shkatërruar.
Zyra kombëtare e mbrojtjes civilë është vënë në gatishmëri për evakuimin e banorëve të përmbytur.
Javën e kaluar një tjetër stuhi goditi ishujt Tonga dhe Fixhi, duke shkaktuar përmbytje masive. Dhjetëra persona ishin lënduar ndërsa mes ndërtesave të shkatërruara ishte edhe parlamenti.
