Menjëherë pasi presidenti i Shteteve të Bashkuara të Amerikës hodhi firmën ne paketën e sanksioneve ndaj Rusisë qe u miratua nga senati, Moska ka shpërthyer ne akuza. Kryeministri i Rusisë Dimitri Medvedev ka reaguar ashpër, duke thëne se SHBA i ka shpallur luftë tregtare Moskës.
Ligji kufizon sasinë e parave që amerikanët mund të investojnë në projektet e energjisë ruse, duke e bërë më të vështirë që kompanitë amerikane të bëjnë biznes më ato ruse.
Sipas kryeministrit Medvedev masat e nënshkruar nga Donald Trump kanë treguar pafuqinë e presidentit i cili u poshtërua nga Kongresi.
Ne një postim në faqen e tij zyrtare në facebook, Medvedev ka shkruar se paketa, i jep fund njëherë e mirë përmirësimit të marrëdhënieve me SHBA dhe se çështja do të shkojë deri në gjykatat ndërkombëtare.
Duke e quajtur kreun e Shtëpisë së Bardhë një lojtar të paafte kryeministri rus ka paralajmëruar se masat e reja që do të ndërmarre Moska, do të kenë për qëllim heqjen nga pushteti të liderit të Amerikës.
Kreu i Shtëpisë së Bardhë është shprehur më herët se ligjin, edhe pse ka të meta e ka nënshkruar për hir të unitetit kombëtar.
