Justin Bieber i ka shpëtuar goditjes me shishe nga një fans pasi ka refuzuar të këndojë hitin e tij të fundit muzikor.
Superstari kanadez ka mërzitur fansat në festivalin “Summerburst” në Suedi, duke mos jua plotësuar dëshirën për të kënduar “Despacito”.
Bieber ka thënë se nuk mund ta këndojë atë këngë pasi nuk di tekstin e saj. “Nuk mund ta këndoj atë këngë, nuk di fjalët, kështu që nuk mundem”.
I mërzitur nga përgjigjia e Justin, një fans ka hedhur një shishe plastike në skenë, e cila për pak thuajse goditi këngëtarin në kokë.
