Himara vijon të mbetet një nga destinacionet më të preferuara për turistët vendas dhe të huaj gjatë sezonit veror.
Kryeministri Edi Rama publikoi sot në rrjetet sociale pamje nga një prej plazheve publike të Himarës, ku qindra pushues po shijojnë ditët e verës nën rrezet e diellit, mes çadrave dhe bregut ranor.
“MIRËMËNGJES 😊
dhe me plazhin e bukur publik të Himarës, ju uroj një ditë të mbarë 🫶 “, shkruan Rama.
Përgjatë gjithë vijës bregdetare që administrohet nga Bashkia Himarë janë identifikuar dhe sinjalizuar plazhet publike, me qëllim lehtësimin e orientimit të vizitorëve dhe garantimin e një përdorimi sa më të sigurt të këtyre hapësirave.
Ndërmarrja e Shërbimeve Publike ka vendosur tabelat informuese dhe sinjalistikën përkatëse, duke u ofruar pushuesve vendas dhe të huaj akses më të qartë dhe kushte më të mira gjatë qëndrimit në plazhet publike të zonës.
